Nun hai dos ensin tres

Pues asina ye, como se suel dicir, nun hai dos ensin tres y equí tamién cumplióse. Ensin buscalo, llegónos el treceru. Nun taba yo pel pueblu, pero taben el mio pa y el mio tíu y garraronlo ellos d'un llimoneru d'un vicín que llamómos. Como se ve nes semeyes, taba nuna caña'l ensame y nun hebo más que pone'l caxego embaxo, dai un golpe y esperar que toes entraren pa dientru tres la reina. Una vegada que taben toes dientru, pesllóse'l abeyaderu y llevóse pal práu.

Equí pue vese l'esame nel cañu y el caxello embaxo enantes de da-y el golpe.

Tres el golpe, la reina calló dientru, pesllóse per arriba pa qu'ella nun saliera y dexóse abiertu per baxo pa que toes les otres entraren. Una vegada dientru. esperóse'l atapecer y pesllóse'l abeyaderu. Entos llevóse pal práu. 

 Equí ta el mio tíu colocándola nel sitiu y abriendo'l abeyaderu.

Y equí tan los tres caxellos con esame y el caxello vacíu